170812【莫探员】智Talk球探,英超开咧战

  • 170812【莫探员】智Talk球探,英超开咧战已关闭评论
  • 532
  • A+
所属分类:智Talk球探

170812【莫探员】智Talk球探,英超开咧战

今期节目由@莫探员 独家呈献!

公众微信:dmok007 莫探员QQ:56007720点击我吧

请点击下面链接收听节目

http://pan.baidu.com/s/1o8MCMts

 

 

170812【莫探员】智Talk球探,英超开咧战

170812【莫探员】智Talk球探,英超开咧战

老细,要唔要试下一夜情啊?

 

请点击下面链接收听节目

http://pan.baidu.com/s/1o8MCMts

 

170812【莫探员】智Talk球探,英超开咧战

 

2017-18新赛季,莫探员又翻嚟同大家吹水啦,无做节目足足有成2个几月,对上一嘴的节目仲系讲紧柬埔寨西部大开发的事,亦都非常幸运,喺金边欧冠之夜,整咗个皇马+大比随队6位团友,我觉得我自己人生第一次系咁玩法,相当过瘾,玩住波、睇住波、赢埋波,夫复何求呢?

跟住我已经马不停蹄,紧随其后去到葡萄牙做嘢,其实喺呢2个几月,一切都系做紧房地产的投资,大家千期唔好以为我放大假,日日发新浪微博,就各种装逼、各种叹,其实我所承受精神压力,头发都甩几执啊。去到里斯本,突然发现年几钱的目标楼价是14w、15w欧元左右,已经升到20w。一查先发现整个葡萄牙d楼的租务市场,供不应求。再睇落去,整个欧洲,从08年欧债危机到而家,几乎10年啦,整体全面回糖,10年一个轮回,真系刚刚遇着啱啱,无计,巴塞隆拿嗰边,升得仲夸张,升咗50%。

唔睇楼价,睇失业率数据,最扑街的时候,几乎20个点都嚟紧啊,而家大概系7、8只左右。你话6唔6?当其时有段古噶,希腊破产之后,就到葡萄牙噶啦,葡国只能够采取最简单粗暴的方法嚟自救,就系投资移民,咁你欧盟救唔救,唔救啊嘛,咁真系唔好怪我啦~~~而家,葡萄牙移民局,每隔一排就玩罢工啊,话唔够人手啊,工资低啊,移民签证等等排晒长龙,你话爆唔爆炸?

呢度唔讲移民,就讲钱!葡萄牙用最简单粗暴的方式扑水,排长龙好显然易见就系,follow水fo得好靓仔,从2012年开始已经fo咗5年噶啦,终于喺今年大爆炸。

金边个楼市其实都是一样,政治环境,税收优惠,美元计价,一带一路, 呢d就属于天时地利人和,而最关键的就系肯fo水啊,恒大喺钻石岛嗰头,香格里拉6星级酒店隔离,都立咗块地啊。讲真,其实我觉得完全系好彩,系FLO,2000蚊美金入货而家升到3000蚊,里斯本升咗40%,其实都系朋友介绍,当时有心插妞,无心买楼,呢d西嘢真系整定,今次随队有6位老板,当中有3位入咗货噶,约莫有成80个美金噶,唔系讲笑,一问,其实就系信任,而喺呢6位老板当中,有2位,虽然无入货,但佢哋明确表示,话等我之前买咗嘅楼,收楼,成功租出去再入货,呢d其实个思路好清晰噶,佢哋知道去到一个咩位置,所承受d咩风险,绝对无问题,而家Casa已经收楼啦,我当时喺葡萄牙,我揾广州的朋友去帮手收楼,家私已经喺7月份开始入场,应该再供多1、2个月就可以租得出去噶啦。

当然喺呢段时间,我都挂住大家嘅,所以准备咗d球迷礼物嘅,不过由于翻嚟,好多聚会,送下又一份,送下又一份,已经少咗好多啦,上个星期,我同谭奇川、黑总,仲有我师叔吃饭,啊师叔都无礼物,几嗨唔好意思啊。翻而d嫂子,一人一份礼物啊~~阿kidd同黑总,无礼物,嗰份礼物,嗱我话唔知比边个啊,我当比Kicker就算噶啦,事关,本身嗰支系宾菲加俱乐部的红酒,我自己买咗2支,肯定会留翻一支比你哋,但系,点撚样送出去,先大家gur呢?真系考起晒,仲有比利时GODIVA朱古力,可以比大家谂下d妹子同小朋友。

更加多嘅古仔,日后再同大家慢慢分享啦,喺时候讲波。

早几日前,细佬已经开始做功课啦,听开咁多年节目,睇开咁多年mok007就知道每逢新赛季,我都会做各大联赛的前瞻,有部分球迷提前问定我噶啦,反正英德意西法,全部有齐晒,会不断更新比大家噶啦,大家只要上嚟我官网mok007,喺导航栏揾【联赛宝典】,就会有齐晒,会不断更新上去。

 

 

2017-18赛季的英超,基本划分3 part,Big 6 六国大封相争标组,曼城、曼联、车仔、热刺、阿仙奴、利物浦,睇下边队可以坐龙椅,而夺冠赔率所反映嘅,我唔知系咪真正实力,但绝对系洗咗几多钱,后嗰3队,无点洗钱嘅,热刺仲惨,好似d房奴咁啊,日日挨酥皮面包啊。

中间嘅欧霸杯组,同埋最后一part嘅保“组”。你咪话,天价电视分红咁爽,所以后面嗰d俱乐部,大家都好乐意,erm荷包,又有白礼顿、哈斯菲尔德呢d新面孔,变咗整个英超都相当好睇,六国大封相、名帅间斗法(佢哋嘅质检期),注资及革新(一仗功成万骨枯、孤注一掷)等等……

相比起其他联赛,边有咁撚多名帅扎堆,边有咁撚多钱比你教飞,边有升班马上嚟可以同你搏火,同埋边有咁多把达摩克利斯之剑,The Sword of Damocles,呢句话,我们伟大的习大大讲过噶。

----------------

英超 8-12 19:30 [17]屈福特 - 利物浦[4] +1 2.75 10 +2.5 3.5 -0.5 BTS:1.90

上赛季尾,屈福特连续不断地败人品,最终主教练马沙利88,由葡萄牙人马高施华接手,屈福特就系头先讲过注资及革新的一队波,喺转会市场极为活跃,成千万镑从巴甲签下20岁新星射手李察利臣外,开赛前几日,又洗1800多万镑购入般尼射手安达格雷,仲有聪明伶俐的无缝链接(上季租借,今季买断,930万欧),车仔的查路巴(570万欧)、打比郡威尔晓士(910万欧)

之前赛季末,迪尼独力难支,老细话而家入多2件比你,同你玩3p,掂唔掂就睇天意啦……

利物浦重返欧冠,上季大部分时间其实都喺top4,4200万欧签入罗马快马沙拿,中场苏兰基、后卫安祖罗拔臣,增强三围。先唔好理古天奴会唔会过档的绯闻,文尼上个赛季已经好撚颠,倘若而家文尼+沙拿呢两翼齐飞,古天奴喺中间,WTF,英超d后卫都恶搞,呢2位黑马飞起身的话,个画面应该系相当刺激。

但当然利物浦上季已经暴露2个弱点,遇弱不强,攻破唔到大巴士,阵容厚度不足,当keyman伤缺的时候,就ock oh~~~so点解利物浦排喺六国的包尾,“又要chur体能,后面又无人”,点玩啊老细?

就今仗以波论波地睇,利物浦整个季前热身赛状态非常fit,6胜2和,签翻嚟嘅新球员都表现唔错,又kueng赢过拜仁,法定时间战平过马蹄。

对手屈福特的季前热身赛好似无热到咁,最大问题依然哑火,睇嚟佢哋嘅磨合相当漫长,好难怪利物浦由半一升到上一球,唯一担心就系佢哋“未劫富,先济贫”。呢d嘢新赛季无人知嘅,上个赛季的规率,一切都作古……

论球队近态,球员状态,唔使问阿桂肯定系利物浦呢嘢开门红更加正气,不过马高施华上季虽然救唔翻侯城,但系之前执教奥林比亚高斯主场不败,上季神奇战胜利物浦、韦斯咸,之后又受到修咸顿、水晶宫的橄榄枝。当然从足彩角度,唔好玩d磨合未成形的球队,但呢一系列元素,我一定要提醒球迷朋友。

磨合?磨合进攻就难姐,磨合防守容易好多,利物浦要两翼齐飞的画面,要睇睇屈福特肯唔肯屈服,比唔比空间佢哋……

屈福特

受伤/缺阵:卡夫卡特(后卫)、莫路色拉迪(前锋)、基思甸卡巴些利(后卫)、迪尼(前锋)

利物浦

上阵成疑:佐敦轩达臣(中场)

受伤/缺阵:尼达利基利(后卫)、拉尔拉拿(中场)、史杜列治(前锋)

 

 

 

英超 8-12 22:00 [1]車路士 - 般尼[16] -1.75 2.75 11 -5 3.5 +1 BTS:2.25

干地的3后卫打法,应该系影响晒整个英超大陆,仲影响埋d指数公司,将干地视为下课主教练的热门,(宾尼迪斯3.50、晓士、比历、干地8.00),车仔就系传说中,“帅不过3年”,26年嚟只有2位教练可以坚持满3年,2000年的云尼亚里,2004年的摩连奴,之后二进宫,2年半就中途下课。不过,上季干地都比指数公司睇唔好,仲一度封盘……

而家车仔又大换血,主力的缺席,核心的离队,导致社区盾唔够一线球员的问题,暴露得一清二楚,上季唔使欧战,今季要啊,所以干地难免同高层拗数,所以个赔率咪8.00咯

般尼??主场龙咯,非常罕见嘅坚挺,主教练戴治要去复制上季的防守反击战术不难,亦都估计要去改变佢哋嘅战术同态度,根本就多旧鱼,李斯特城后防简迪走人后成绩下滑,如今般尼铁三角之一,米高坚尼高价过档到爱华顿,唔知个防守能力会变成点,呢方面主教练戴治要挖多d心思……

至于锋线上就唔使点谂啦,33岁禾达斯,巅峰期都无试过两位数,我唔系几信佢会嚟神。

慈善盾被界定为友谊赛性质,所以柏度唔使停赛,不过域陀摩西斯上赛季足总杯见红,今晚要坐波监。

呢场应该系足彩14场的胆材嚟噶啦,不过1.75盘口搭住2.75大细,只可以咁讲,无咩睇头,两队未来都要继续入货,而家只不过系过渡期,即系个阵容未fixable,我喺度估,作为干地为咗长远之计,都系搞掂好晒d引援工作先,而家嚟大炒对手,或者一开波去爆pow,唔系啊化?? 自己倒自己米啊?

车路士

停赛:域陀摩西斯(后卫)

受伤/缺阵:泰穆尔巴卡约高(中场)、夏萨特(前锋)、迪亚高哥达达(前锋)

般尼

受伤/缺阵:马恩尼(中场)

 

 

 

英超 8-12 22:00 [14]水晶宮 - 哈德斯菲爾德[英冠5] -0.75 2.5 10.5 -1.5 3.5 +0.5 BTS:1.95

上季艾拿戴斯表现惊人地战胜车仔、仙仔、利记、曼城提前保级,然后宣布退休。新上任,80后熟悉的名字,法兰迪保亚,喺阿积士教出咗名堂(4连冠)之后,转塘到国米,都唔一个赛季就香咗啦,鱿鱼香,所以,无任何英超经验的法兰迪保亚(玩开3-4-3),好难估啊……

唔单止系咁,水晶宫链实个荷包,唔泵水比法兰迪保亚,好似上赛季的修咸顿,最终佢哋咪又系炒鱿鱼收场。今季2名重要的新人,车仔的罗夫度斯·卓克,阿积士后卫列迪华特(900万欧)。好消息的就系,全部主力留队,上季的水晶宫,系下半版入波数字最多的球队(50粒)

所以客观哋讲,水晶宫要保组问题不大,睇就睇法兰迪保亚的功力去到边。

哈德斯菲尔德曾经的英格兰最强,因为二战而没落,哇真系黯然销魂,升超过程又附加赛又点球,成出励志电影咁,仲有积极的转会市场态度,入咗超过4千万欧。

包括英格兰中场汤马士恩斯、比利时高大中锋迪普特列、贵价澳洲中场阿伦穆尔及贝宁射手穆尼尔。仲有上季的升班功臣,德国前锋卡真加。

不过,值得球迷注意的系,主教练华拿同高普私交甚笃,friend过打band,佢个女,个god father就系高普,咁你话有几friend。佢亦都重视,球员之间的距离,或者系空间换时间啦,合同上加入一项,所有球员的住处距离训练场不得超过15英里(24公里),反正就要你翻工距离近,想大家容易聚脚,又或者令到大家悭翻d时间啦,

我唔知大家钟唔钟意睇霍金d片,当中的一部,提及,what is 宇宙,佢由咩组成,最初提到有3样嘢,物质、能量、空间。不过由于爱因斯坦的质能方程告诉我哋,能量=质量 x 光速的平方,即能量就系质量。而大爆炸的发现,以及现今发现,宇宙不断扩张,而最最最初的宇宙,只不过好细的一点嘢,随着质能转化,随即亦产生出空间。然而宇宙年龄约200亿年,点解会知啊?因为系计算出嚟嘅,喺爱因斯坦广义相对论入边,加入时间呢个维度,所以呢个宇宙,其实得2样嘢,一个就系能量,另一个就系时间。

你睇下华拿,空间换时间,时间换球员之间嘅无间。莫探员你吹水啦,指数公司最唔睇好就系佢哋,1.66的降级赔率。

今晚两队的对碰,水晶宫季前热身赛做得比对手更加好咯,水晶宫班球员又夹惯夹熟,尤其是中前场的攻击组合。哈德斯菲尔德4战海外对手都未赢过,加上人脚变得甚大。

预期今晚水晶宫会chur对手,毕竟中前场系佢哋个招牌,而华拿估计会施展擅长的反守反击,不过要适应英超的节奏,一嚟就咁容易???咁就唔系叫英超啦,你当1.66降级赔率,呢个攞嚟吓鸡噶?

水晶宫

受伤/缺阵:苏亚尼(后卫)、卡比耶(中场)、域咸(前锋)、麦阿瑟(中场)

哈特斯菲尔德

上阵成疑:庄拿芬贺治(中场)

受伤/缺阵:拿基韦尔斯(前锋)、马田卡尼(后卫)、庄史坦高域(后卫)

 

 

 

英超 8-12 22:00 [7]愛華頓 - 史篤城[13] -0.75 2.25 10 -2.5 3 +0.5 BTS:1.95

卖几多,洗翻几多,花费逾亿英镑购入多达10位新兵,包括英格兰门将比克福特、中坚米高坚尼(打破队史2850万欧)、荷兰中场卡拉臣及西班牙箭头辛度拉美利斯(已经帮新东家入波);81倍的夺冠赔率,前者利物浦13.00,后者李斯特城的201倍,朗奴高文喺提拔新人上,能力早已经得到认可,所以就人员储备同战力嚟讲,足够应付4线作战,可以话爱华顿喺争标列强入边,有能力搞一搞局。爱华顿现时集有潜质新兵、富大赛球员及上季已露头角的小将共冶一炉。

上季金主场有般尼,其实爱华顿一样都系。不过作客的成绩差距,就系同豪门的实力分野,睇得出今季有野心,要搞事无问题。

史笃城今季仙都唔仙下,主力核心又离队对佢哋嘅打击应该会好大,上季已经呈现欺软怕硬恐怕的节奏(晓士不知不觉教咗4个赛季),所以好怀疑佢哋呢个赛季的野心,去到边啊大佬?俱乐部今个夏天进行大幅度清洗,卖出的球员超过3千万欧,新罗致的球员都属于自由转会……

Everton´s next matches are very difficult, they are facing Man City, Chelsea, Tottenham & Man Utd.

史笃城连续2个赛季,开咧都唔畅顺,条前列腺好似有问题咁,要成6-7场先搞得翻正

爱华顿

上阵成疑:占士麦卡菲(中场)、艾朗连侬(中场)
受伤/缺阵:巴克里(中场)、拉美路富利斯摩拉(后卫)、史密斯高文(后卫)、恩历克波拿斯(前锋)

史笃城

受伤/缺阵:艾利兰(中场)、阿费利(前锋)

莫探员欧洲来料承诺大家永远免费,欧洲来料分“参考”和“推荐”两个级别

莫探员微信公众号:dmok007 或 微信搜索“莫探员智Talk球探”

莫探员微博:http://weibo.com/detectivemok

170812【莫探员】智Talk球探,英超开咧战

170812【莫探员】智Talk球探,英超开咧战

  • 莫探员的肉照
  • 靓唔靓仔
  • weinxin
  • 我的微信公众号
  • 扫一扫
  • weinxin