170916【莫探员】智Talk球探,英超第5轮,德甲法甲

  • 170916【莫探员】智Talk球探,英超第5轮,德甲法甲已关闭评论
  • 403
  • A+
所属分类:智Talk球探

170916【莫探员】智Talk球探,英超第5轮,德甲法甲

今期节目由@莫探员 独家呈献!

公众微信:dmok007 莫探员QQ:56007720点击我吧

 

 

请点击下面链接收听节目

https://pan.baidu.com/s/1sl9HxcL

 

170916【莫探员】智Talk球探,英超第5轮,德甲法甲

170916【莫探员】智Talk球探,英超第5轮,德甲法甲

170916【莫探员】智Talk球探,英超第5轮,德甲法甲

哎,真系生活大爆炸~!

 

就前日呢,我发咗个朋友圈,新签咗一份人体蜈蚣计划,咁肯定会好多评论啦,当中不乏好多女孩子又问我去边度玩,佢哋以为系d出国签证之类嘅嘢,系啊,我话去阿拉伯娶老婆啊,一夫多妻制啊。

当中有位球迷呢,留言评论话我,羡慕我,有胆识,有远见,咁我回复佢啦,“老司机讲过揾钱三要素,胆识、见识气色”,网上其实系写住:胆识、知识、见识。

可以好老实咁同你哋讲,网上嗰d西嘢,呃9你哋噶,真真正正的系气色,系运气!由于知识日益愈发廉价,研究生、博士生,随手嗱起一大炸,有边个屋企无钱,随便都可以供子女出国留学,几十万货仔,去大英帝国,2球嘢,有边个拎唔起啊?

所以知识是相当廉价,马云喺贵州的大数据峰会上讲到,“未来三十年是最佳的超车时代是重新定义的变革时代。如果我们继续以前的教学方法,对我们的孩子进行,记、背、算这些东西。不让孩子去体验,不让他们去尝试琴棋书画。我可以保证,三十年后孩子们找不到工作。”

见识系一种对知识、对智慧高度的提炼,系必须要打真军,形成自己嘅嘢,亦系非常唯一嘅嘢,你传比第二个,肯定超级无敌传声筒咁,走晒样,人哋作为吸收嗰个,亦都挞晒Q。

不过到最后关键埋门一脚,都系气色,亦即系运气~!呢个世界上,亦都有太多人具备,胆识同见识,不乏好多创业者,衰咗又爬翻起身,东山再起,但又再次扑街,到头来归根到底,运气使然、气色所以然,老司机对我讲过,你何立胜只不过系宇宙中的一粒尘。

咁回复完佢,“老司机讲过揾钱三要素,胆识、见识、气色”,佢答我,“还要有钱先得家”。我答翻佢,“我咪讲过咯,同有无钱无关系,本身已经有钱,即系,佢已经有高度智慧、渠道等等。

呢到点样去理解呢翻说话呢,要解析呢句说话,其实好虚,好譬如,你由一个状态、升华到另外一个状态,由无钱到第一桶金,由第一桶金到10桶金咁啦。有咁经历过的人,应该会绝对明白,同你有无钱,无乜太大关系。

再举个就今次金边买楼的简单例子,最直接的例子,其中一个买家,佢零资本入货!!! 无错系零资本入货,点解啊?丢佢玩开信用卡嘅,随随便便就可以套几十个出嚟,只不过咁啵老细,人哋系早4、5年前就开始玩,玩到而家有百夫长,咁呢个例子,系咪好真实,好直接?揾钱要钱嘅咩?

我可唔可以继续做足球,可以~!我可唔可以继续日日都做节目,可以~!但系我要升华啊嘛,我要另外一种突破啊嘛,我相信我喺咁多位老细面前,我揾钱肯定唔够你哋多,我喺你哋面前都只不过系一粒尘。但系呢种提升,呢种升华,大家系fair嘅,亦都唔冲突,大家系可以分享嘅。

所以记住啦,揾钱三要素,胆识、见识、气色~!倘若你听到有人话,都要有钱先得家,咁证明佢个脑唔够高度。

PS,点解我最近会关注咁多马云嘅嘢,因为我发觉,佢真系具备,胆识、见识、气色。佢做嘅嘢,超前于政府,亦都改变紧生态,beyond the time~!呢个人,系最紧未来10年,未来20年,做紧嘅嘢,仲唔系佢啊~~而嗰d仲将知识作为一种财富,书中自有黄金屋的人,丢,佢哋个脑啊,相当落后啊。

钱唔系社会上衡量一切,但系钱,即系财富,作为有人类文明以来,非常重要的指标,生产力同生产关系,生产力即系出到几多货,生产关系,即系d货归边一个。资本主义就话,财富系以财富作为指标,我哋呢度xxxxx,就xxxxx,咁你话未来呢?好显然,自互联网革命以来,财富的分配,发生咗巨大的变化……

而另外一位球迷,系微信问我,点搞微信公众号,点样推广,事关佢iPhone8有渠道,咁我都好老实答佢,超级高难度,亦都唔系三言两语讲得明,睇睇听日,可唔可以作为一个话题,同大家吹下水啦。

多谢咁多老细,听我“宇宙中的一粒尘”喺度9up,嗱嗱临进入开波环节……

 

 

 

 

英超 9-16 19:30 [20]水晶宮 - 修咸頓[13] 0 2.25 10.5 0 4 0 BTS:1.95

新主教练,鹤臣,2年合同。70岁的英格兰人被誉为教练界的“吉卜赛人”,反正就教过好多俱乐部同国家队,一年换4个教练,每次前后的总结大体都差唔多,阵容厚度都唔疏。

上一轮次的星期日,我就话非常谨慎呢2个上盘,都让0.25,唔系真系咁容易跑出噶,从结果上,交叉盘,从场面上,水晶宫围殴赢波的般尼,除咗vs利物浦之外,有边场数据上、点数上唔系水晶宫领先噶?

对手修咸顿,近年又频频换主教练,仲钟意年年卖人,不过今季卖人方面多少好转,只有J洛迪古斯,较为熟悉的球员离队,季初炒教练佩尔,揾咗阿根人柏历坚奴过嚟,好啦,而家佢最新的炒鱿鱼赔率,比历2.00,高文6.00,柏历坚奴10.00,宾尼迪斯10.00,贺维12.00,基文迪14.00,云加16.00.

修咸顿所入嘅波,系喺韦斯咸身上噶,而对方系33分钟打少个嘅韦斯咸啊。

今仗所有嘢都平抽,角球、黄牌,通通平抽。老实话,细波格局倾向性非常明确,我反而唔系咁钟意呢类型玩法。无得走位啊,局cut你赛前入货啊。水晶宫啦,一嚟换教练,二嚟高水,修咸顿vs史云斯、哈德斯菲尔德、屈福特都无士哥。

修咸顿

上阵成疑:华基尔云迪积克(后卫)

水晶宫

上阵成疑:汤坚斯(后卫)、苏亚尼(后卫)、费韦特沙夏(前锋)

受伤/缺阵:域咸(前锋)、巴卡利沙高(前锋)、罗夫度斯卓克(中场)

 

 

英超 9-16 22:00 [4]屈福特 - 曼城[2]

哎呀,今晚10点档,免费直播赛事,难搞啊,我讲咗好多轮,真心腻害,16号杜哥尼,综合素质非常高,有身材有脚法,传、控,搓、射,好sharp,而成队波都打得好生猛,搞到我啊,喺某一期节目就话提早一个星期入货,当然嗰场系香咗嘅,早早吃咗张姨妈巾,只能够0-0平白礼顿。上轮作客修咸顿,2次远射建功。新加盟的巴西人李察利臣表现抢镜,有guts,后生仔就系要咁样,

曼城开始感觉有料到啦,一对南美箭头,阿古路、谢萨斯开始嚟神啦。

讲真今轮要作客让到球半,其实非常明确两者之间的实力,打得咁好的一队屈福特,你真系当大家盲嘅咩。

我哋归回翻足球本身,季初vs强队,利物浦,但利物浦,无古天奴,肯定唔系最top,但今晚是另外一队英超最top,d夺冠味开始出嚟,咁就完全唔一样噶啦,

我认为,今仗喺个中场争夺上,大家要下非常大的功夫,睇曼城能否有冠军相,今仗系一个看点,而屈福特的黑马成色,坚唔坚,呢场应该会睇到,

停赛:比图斯(后卫)

上阵成疑:罗拔图佩雷拉(前锋)、普特尔(后卫)

受伤/缺阵:莫路色拉迪(前锋)、卡夫卡特(后卫)、贺宾(后卫)、拜斯迪捷迪捷(后卫)

曼城

上阵成疑:高柏尼(后卫)

 

 

英超 9-17 00:30 [5]熱刺 - 史雲斯[15] -1.75 3 11 -4 4 +1 BTS:2.20

我都话噶啦,唔好咁迷信,热刺喺战术上,球员系技术上,作出提高,系一个调整阶段,果然温布莱球场成为咗福地,连裁判都帮埋拖,仲要帮2嘢。

史云斯vs纽卡素场波,大家有无睇啊?嗰场波系上星期的阿婆走得快啊,睇完之后,终于知道点解,衰到啊打得,2队波都打得差,又话英超无弱旅嘅,屎到啊,好强烈的违和感,我唔识得点样从战术上,分析比各位听众球迷,即系好似,野区无插眼咁,唔敢去,明明见到对面得一个人,但系你都唔上去先手,就算有机会比你捉单,都因为手腾脚震,miss晒d技能。

而热刺个个都话9月的夏利卡尼,交锋上,11-2-0,d盘都赢埋噶,相当恐怖。史云斯录得自85-86赛季,开季主场连败兼吃蛋纪录。佢哋系vs水晶宫先识得入波,法兰迪保亚的水晶宫,真系姓水噶。

倘若要我博嘅话,我会谂3球以上的比分啊,好老实啊,王兴桂金句,赢就谷,输就缩。4-0啦。先揸住呢条飞,嚟叫糊,应该会产生好多玩法。

热刺

上阵成疑:云耶马(中场)

受伤/缺阵:丹尼路斯(中场)、拉美拿(中场)、尼高度(中场)

史云斯

上阵成疑:瑞安比顿(中场)

受伤/缺阵:奇诚庸(中场)、尼敦戴亚(中场)、基尔巴持利(后卫)

 

 

 

德甲 9-17 00:30 [4]RB萊比錫 - 慕遜加柏[9] -0.75 2.75

莱比锡上季开咧8-1-0,刚刚欧冠新丁,1-1摸平摩纳哥(双杀多蒙特,就实战经验已经睇高一线),都算系咁啦,虽然则话要-0.25,新人喔,入到波,又摸和咗,都算系咁啦。德甲首个主场4-1大胜费雷堡,即系暂时咁睇,莱比锡开咧无点跌watt,咁啱今场对手慕逊加柏,近2季开局都非常糟糕,,上季前7客场,0-1-6。

周中欧冠刚伤愈的科斯贝治建功,上季德甲助攻王,拿比基达又复操(2-0击败汉堡,有一嘢世界波)。留意喺利华新签翻嚟的边路球员,奇云甘保尔,好大威胁力。

慕逊加柏赛季初,有d限米煮限饭,伤兵系头痛的问题之一,后卫赞迪斯基复操,不过教练赫京话佢唔够fit,新签的中场起费雷堡,基科,仲要5-6个礼拜。史祖比、宾尼斯、迪米斯及查奥尔等,亦继续做十字军。

RB莱比锡

上阵成疑:拿比基达(中场)已经复操噶啦,

受伤/缺阵:马云甘柏(后卫)

慕逊加柏

受伤/缺阵:赞迪斯基(后卫)、拿斯路宾尼斯(中场)、伊巴谦查奥尔(中场)、祖斯比迪米斯(前锋)、基科(中场)、史祖比(中场)

 

 

 

法甲 9-17 02:00 [15]特魯瓦 - 蒙彼利埃[17] 0 2.25

主队特鲁瓦个教练加西亚头赤咯,成条骨无咗,最新一批十字军名单:后卫迪高美、中场达比安、尼域特,呢3位仁兄,上季升级的功臣。

达比安,37-5-10; 迪高美,31-4-4; 尼域特,35-7-8。当然队内有个法乙金靴,不过今个赛季状态,入球效率明显下滑,5战仅1球2助攻,而家无条骨嚟输送炮弹,都几难有运行。

而蒙彼利埃属于嗰d,客场积弱已久的球队,跨季客场2-0-14,今晚保级对手,近9次交锋,5-3-1,起来心理上,系要抢分。前锋施奥见红,应该打单箭头,好消息中场主力,史夏利伤愈,对组织攻势有正面影响。

特鲁瓦

受伤/缺阵:迪高美(后卫)、尼域特(中场)、达比安(中场),

蒙彼利埃

停赛:施奥(前锋)

 

 

 

 

莫探员欧洲来料承诺大家永远免费,欧洲来料分“参考”和“推荐”两个级别

莫探员微信公众号:dmok007 或 微信搜索“莫探员智Talk球探”

莫探员微博:http://weibo.com/detectivemok

170916【莫探员】智Talk球探,英超第5轮,德甲法甲

170916【莫探员】智Talk球探,英超第5轮,德甲法甲

  • 莫探员的肉照
  • 靓唔靓仔
  • weinxin
  • 我的微信公众号
  • 扫一扫
  • weinxin