180310【莫探员】智Talk球探，今晚10点FM1077（文字版）

今期节目由@莫探员 独家呈献！

公众微信：dmok007 莫探员QQ：56007720

 

 

 

请点击下面链接收听节目

https://pan.baidu.com/s/1c4jPknI

 微信公众号

关键字：选美冠军、瑶族公主、1077、粤语喜马拉雅、PPTV

 

 

 

英超 3-10 20:30 [2]曼聯 - 利物浦[3] 0 2.5

主裁判，卡力克-保臣，去年12月马斯塞德郡打吡，判咗一个有争议性的12码，帮爱华顿攞到1分。其实之前佢都罚过摩连奴红牌离场（去年9月vs修咸顿）。

曼联最近2战vs水晶宫、车路士，连续翻盘，打出咗血性、魔性。简直就系足球界的WE，未试过打顺风局，盘盘都系翻盘局。摩连奴的理念，尤其是vs强队，相当于打王者局咁，从来都唔会浪，永远都系猥琐发育，多年系咁，多次欧冠，2次欧洲之巅，换转系你，你会唔会浪？

山齐士嚟到，入得1粒，而且turnover严重，上轮vs水晶宫高达34次（纪录36次）。

摩连奴4天1500万！去俄罗斯讲波，本身嗰个台无版权，不过请流量王翻嚟，得唔得先？

利物浦相对比较诡异，周中欧冠派出咗7成功力的主力阵容左右，诡异地0-0，但系睇翻曼城的欧冠，噢~~原来系正常的比分。即系只要大家都系咁做，就叫做正常啦，喺越南横冲直撞乱过马路，喺里斯本随便劈烟头。

而对于利物浦“正常”的事情，唔轮换，或者无得佢哋轮换，佢哋貌似司空见惯，而双红会交锋当中，由于摩连奴的到来，仿佛4连平，貌似陷入咗一个怪圈，查实好可能，又系一个正常现象。

*********************

德甲 3-10 22:30 [1]拜仁慕尼黑 - 漢堡[17] -2.25 3.5

汉堡闹剧又来了，喺何夫曼回归当选监事会负责人后，其实董事会负责人布鲁赫根、体育主管杜特下课，已经是迟早的事情。问题是，汉堡这一次还能惊险保级么？

到底有几大仇口，下下主场数7、8口，无他嘅，南北打吡。下周中的欧冠又要5球喺手，vs比锡达斯，加上，最近5季，欧冠16强的德甲联赛，都例炒对手，习惯咗。

汉堡新的主教练Hollerbach贺拿巴治，0-3-3，进攻端3只货仔。

由于历史原因，传统的北方双雄，云达不莱梅、汉堡，双双坠落之后，拜仁就将佢哋禁在地上摩擦，似爪牙，似魔鬼的步伐。

后卫拉菲尼亚、苏尼、查维·马天尼斯、洛宾、利云度斯基，上轮休息。J Ro复操翻，睇睇今晚上唔上到？？至今门将方面，纽亚一直是长期伤兵，好消息话赶及世界杯，话4月底就好翻，复操紧+自血疗法（？？神马鬼？？），呢个赛季一直都是，乌里治做一号龙，暂时无咩太大考验。

汉堡上轮，最后30分钟，打多个，主场0-0缅恩斯，哥斯迪12码宴客，ock oh，连个天都唔钟意你。咁我都唔钟意你啦，我钟意对面嗰个啦。

----------

葛斯同佢女友，卡特琳，宣布8月结婚，喺马洛卡摆酒，好友已经收到红色炸弹。

***********************

德甲 3-10 22:30 [11]漢諾威 - 奧格斯堡[10] -0.25 2.25

排名叮当马头，积分同样32分的，中游波PK。

冬休翻嚟的汉诺威，主场成绩，呈现咗梅花间竹的特点，最近2连败，都是小负0-1，1球都唔入。后卫菲猎比、苏治、中场巴卡洛斯、前锋哈歷克，重返首发。中卫薩尼今晚解禁复出。

中场卡拉奧斯（23场3球2助攻）伤缺，其他伤兵，佩比、96年的巴斯今季已经都唔算系主力。所以个阵容配备上，有巨大的提升。

大插曲：63分钟，艾邦奴斯插水呃点球，得咗，入埋，点知，事后比 VAR裁判复卓，马上改判，并且整张黄牌你叹……等你拉玛西亚……Oscar……

客队奥格斯堡，上轮主场0-2贺芬咸，近4轮德甲0-1-3，3场哑火，其实双方的入球走势都偏少，由多转少。

由于后卫法林贝加（9场）赛季报销，奧佩利被队内禁赛，主教练文奴鮑姆，将U17的右闸Simon Asta抽调上嚟，后卫基利安·耶古保德甲首秀，不过佢系打左翼，发觉唔多掂，51分钟就换落去。

另外前锋佳奧比（24场5球4助攻）解禁。伤缺主力：中场莫拉維克（9场）、头号射手芬保加臣（18场11球）、后卫古韋利烏（14场2球）。至于后卫Kevin Danso，上轮伤出，今晚睇睇个大名单啦。

可能呢场钟意主队多d，一嚟佢喺咁梅花间竹啦，二嚟动态情况，唔似得奥格斯堡咁，要玩到U17嘅，三嚟交锋往绩，汉诺威都吃住奥格斯堡，坐阵主场3-0-1的数据。

---------------
韩国球员，具滋哲，同你同年wo……

*************************

德甲 3-10 22:30 [12]哈化柏林 - 費雷堡[13] -0.25 2.25

又一场位处中游，叮当马头……呢两队的对碰，同头先好唔同嘅就系，平局数字非常突出。打后往落数的有云达，禾夫斯堡（4-13-8），马丁·路德·金，队如其名，和堡，和堡。

虽然大家都是d和波格，咁嘅球队，但系哈化柏林和起上嚟，直头系闷啊，冬休翻嚟之后，入球总数，未试过到达3只……反观客队费雷堡，佢系可以同人浪噶。尤其是作客，佢系属于嗰d，客场浪输，主场浪赢，平局又可以保持翻咁上下。

主队柏林，最近3轮无士哥（0-1-2），后卫列基克，下半程首次登场，后卫敦拿哈（10场1球）之前流感，而家好翻晒，今晚有机会挂，中场戴列達（12场）脚趾受伤，前锋馬菲歷基（20场4球1助攻，绝对主力），周中因伤缺席训练，今晚唔知点。另外今季都未上阵的前锋，施蘭古特，终于伤愈（96年后生仔）

所以主教练达戴尔，今晚有可能打4-4-2，之前一直单箭头，发觉唔掂，今晚可能要打孖嚟。

客队费雷堡，4球输比拜仁，冬休后首个主场失利，近7个主场首败，亦都系星期一的比赛，球迷又少，嚟到都唔系睇波嘅，而是抗议嘅。

主教练史迪治，将后卫利恩赫特，顶替中场的泰拿仙奴，门将舒禾洛維就送个老乌。至于伤兵就得2个，前锋紐達尼卓拿（10场2球）、中场法蘭特斯（11场）

总结呢场，我就得一样嘢担心，柏林攻力疲软成咁，唔同你费雷堡浪，事关攻击力呢样嘢唔系话，想做好，摆下个阵就做得好，你估你打紧机啊？玩紧FM啊？

*************************

德甲 3-10 22:30 [7]賀芬咸 - 沃爾夫斯堡[15]

隆重欢迎，德国和平大使，和堡……

终于唔使叮当马头，实力对碰，开始出现分野。

主队贺芬咸都仲有动力，争下欧战入场券，主教练拿格士文变阵，用后卫尼高舒卓斯+中场的卢普，取代，中锋施沙拉尔+中场苏积……

结果上轮作客2-0，赢咗奥格斯堡，前锋 卡拉马历 一传一射，近5轮入6球（打破队史，连续破门纪录）。边锋 格纳比 入本季第4粒。近9个客场首胜，亦系近9轮首次零失球，士气一定up。

至于伤兵，中场 迪米亚巴尔（15场2球）复操，即将复出， 后卫普殊（9场）伤缺。

客队禾夫斯堡，查实佢嗰个平局走势，貌似唔灵咯喔，0-2-4，今季已经玩到第3任主教练，紧随潮流的步伐《前任》都出前任3，禾夫斯堡都整咗部《现任3》

《现任3》的主角是拉巴迪亚，之前3季度拍紧《汉堡cool煲风云》，而家佢第一场戏码，用中场艾洛特+前锋美密迪，顶替，巴素亞+马尔尼，结果艾洛特禁区犯规送点，美密迪就攻入本季第3粒。

第一场戏，遭到影迷的嘘声，赛后佢就话有信心保级成功。

左闸威廉（14场1助攻）染红，今晚停赛，其他就仲有2个老伤兵巴拉薩高斯基+格哈特。

暂时咁睇，和堡呢场戏，好难叫好又叫座

**********************

英超 3-10 23:00 [11]愛華頓 - 白禮頓[10] -0.25 2.25

同分，34分，嚟到第30轮，剩下1/4不到，目前陷入保级漩涡的球队，超过2位数，几乎每个轮次都会见到6分保组大战。

呢场虽则大家都是34分，相对安全，但并非实吃无痴牙。两支球队的理念唔一样，爱华顿用大量的资金，去收购d，不符合长远发展战略的球员，而本身俱乐部亦有多位，具备潜质的球员，但系非常可惜，无去培养。

其实如今，英超格局big6已经形成，你点买人，都非常难去撼动佢哋。

爱华最近场场都有失球，不论主客，新援中锋 杜辛 攻入处子入波，艾殊利威廉士见红，停3场。上轮已经有伤愈球员复出，高文+拜尼斯。

伤愈球员：摩利+查積爾卡，伤愈周中参加大部队的训练。

其他伤兵：曼城借将文加拉（好可能今季报销），占士麥卡菲，至于门将史迪基伦堡，呢个赛季已经由比克福特取缔佢个位。

客队白礼顿，格连梅利共11球，近6个主场攻入6球，但系佢好特别，成为咗，无助攻的入球数字最多的球员。

边卫舒捷洛图上轮被撞伤离场，今晚睇佢得唔得啦，再有就系其他的老伤兵，薛维尔+史卡拉克，就唔理佢啦。

其实嚟到呢个moment，双方你话有几肉紧呢？不过客队白礼顿的运作更加流畅，近7场不败之余，5-2-0，咁我爱你啦，唔爱对面啦。

--------
爱华顿的卡華特利雲，97年，176cm，睇睇下周能否入选英格兰大名单，U20、U21代表队，上年赢的U20世界杯，决赛vs委内瑞拉，攻入1球。

现时锋线人选，Harry，华dee，福仔，咁睇下佢得唔得咯……

********************

英超 3-10 23:00 [15]哈德斯菲爾德 - 史雲斯[13] -0.25 2

同分30分，主队今季客场唔识得入波，攻击力偏弱，主场好少少，不过大多数都是1球起，然后就再没有然后，2球或以上的概率，英联1场，vs曼联1场，刚刚vs般尼茅夫1场。

所以余下赛程（抢分），主场vs史云斯、水晶宫、屈福特，系得呢3场对中下游球队。

上轮主教练华拿，早早33分钟，换下古亚拿（鸳香咁口面），汤马士恩斯顶替，可惜佢又一次错失黄金chance，冬窗新兵比查特（1112万英镑），上半场末段，比人撞伤离场，都几惨下。 其他主力伤缺：卡真加（17场1球），艾朗摩爾（27场4球）。

客队黑天鹅，开始丑小鸭变白天鹅，咁多队更换主教练的英超保级队伍，佢应该系换帅如换刀啦。

近3场入2球的寄诚庸，上轮vs韦斯咸首开记录，指出新教练卡华奴叫佢射多d，大赞主教练功夫了得。现时史云斯进攻端大大改善，近9场攻入14球。

上年12月底接手，首战2-1KO我最喜欢的黑马屈福特（当时残阵），之后输比实力强大的热刺，咁跟住就嚟神，10场正赛不败的run，其中包括主场击败利物浦、阿仙奴，足总杯淘汰非英超球队，杀入8强，上轮血洗韦斯咸（保级对手）。

新援中场 安迪京治 打入首球，中场利萊費亞、邦尼赛季报销。

唯一担心一样嘢，上轮客场1-4惨败比白礼顿，卡华奴自己承认，我浪了一波，事关佢呢段run走上嚟，系斋靠主场，客场其实出现连平的怪圈，咁咪，缸瓦全打老虎——尽地一煲，结果香过香香公主。

我其实系担心呢场2队的攻击力，宅男追女仔——无晒计。

******************

英超 3-10 23:00 [16]紐卡素 - 修咸頓[17] 0 2.25

29分vs28分，貌似2队差唔多，查实客队修咸顿个主教练比历坚奴，一定睇咗杜琪峰的《以和为贵》，13场平局，刚刚刷新英超数据，主场8连平。

董事会果然非常咁懂事，话唔系路啦，哪怕呢个赛季保级都话，杜琪峰outday咗啦，我哋要揾个林超贤翻嚟，咁就燃啊，燃到爆啊。英超本来就腥风血雨……

倘若你话斋主教练的PK，对手系宾尼迪斯，系属于主队纽卡素，保级的资本。其实主队纽卡素，喺近10场英超的输波当中，仅仅输过2场，都是作客，输比强大的曼城、利物浦。 其他嘅都可以通过零星小雨的胜利，去滋润翻个积分榜。

纽卡素中场舒尔维（21场）未能通过体测，新兵李斯特城借将 施利文尼 仍在养伤……

修咸顿，中场兼队长史提芬·戴维斯（22场3球）、后卫吉田麻也（18场2球）、前锋查理柯士甸（16场6球）都伤缺。

比历坚奴曾经担任过，宾尼迪斯的助教（利物浦及国米）。

修咸顿好闭蚁得嚟，又好硬净，不过查理柯士甸缺阵的话，攻击力大打折扣，咁啱而家主队纽卡素的主场，貌似有feel，揾到射门的感觉，信下佢啦。

***************************

英超 3-10 23:00 [20]西布朗 - 李斯特城[8] 0 2.25

嗱呢场开波之前呢~~队长伊云斯首度回应，同队友 巴利、利費摩亞、米希爾一齐“鬼鬼屎屎，偷的士”

佢强调佢哋会以男人嘅勇气嚟承担责任，并指事件受到传媒的炒作……

咁无计啊真系……打工是不可能打工的，这辈子是不可能打工的，做生意又不会做，就是偷这种东西，才能维持了生活这样子……降级啊，肯定要做啊，不做没钱用啊，

在巴塞罗那的感觉，比在西布朗的感觉，好！多！了！

 

早前西布朗為了提升狀態，一行人飛到巴塞隆拿市集訓，但4名球員——中堅莊尼伊雲斯、中場巴利、利費摩亞及門將米希爾涉在一間麥當勞前偷走一部的士；4人早前已發表聯合聲明，就事件致歉，並承擔責任，球會方面則向4名球員各罰款兩周薪金，合共50萬鎊。

------------

西布朗老板 赖国传 同埋高层，觉得上轮作客0-1输比屈福特，有好大的进步，决定暂时唔炒柏度，而柏度依然信任依云斯，继续比佢做队长。

6连败，距离缩小安全区还有8分钟（唔好意思，玩得吃鸡多咗），肯定个更衣室嘈到拆天，传闻话部分球员不满柏度的战术。

伤兵：史杜历治、查迪利、占士摩利遜。

客队李斯特城，相对哋无欲无求咁嘅款啦，马列斯 打到97分钟，1-1逼平般尼茅夫，死球，一嘢相当诡异的曲线~~破门~！

其实最近就系斋靠华dee，即系佢嗰个style系咁噶啦，高速跑动，同队友眉来眼去嗰只，其他人就唔系噶嘛，要自己爆破……

所以变成点呢？ 一旦面对住d，要同你死过，势凶夹狼，需要抢分保组的球队，3个主场，惊人的3个，1-1，

右闸艾马迪早段伤出，前锋冈崎慎司继续养伤。

所以去衡量呢场的胜负，战意之战。好打怕烂打，烂打怕发烂咋……

-------------
惊呆！马列斯，退役从医？ 猎人入边嘅里昂里奥 ，原来系黑客，AnonAttack

 

**************************

英超 3-10 23:00 [14]韋斯咸 - 般尼[7] -0.25 2

韦斯咸连续2轮输1-4，右翼安东尼奥攻入，锤仔帮英超第1000球（佢连续2嘢替补建功），比赛第27分钟，中卫 云斯顿列特 受伤离场，拜林 上阵顶佢个位，点知下半场佢都伤埋，好可能2位赛季报销，而莫耶斯自称，执教韦斯咸以来，最差的一战。

当其时都几惨噶，云斯顿列特 门前混战，然后火星撞地球，继而一度昏迷，整伤膝头哥，当时，比赛一度中断达10分钟。

而场外方面都有负面新闻，安祖卡奴爾 深夜蒲吧，问下大家先，如果你哋拍拖，会唔会交待翻自己去咗边树？？

韦斯咸承认，自己多次无向足总交待行踪，被罚款3万英镑。 其实，相当于，球员向俱乐部作出告知，俱乐部就向足总报告，咁样的层级关系。

左闸 马苏亚古 停赛，佢早前vs韦根，向对方吐口水，被罚停赛6场，今晚最后1场。其余老伤兵：安祖卡路尔、费南迪斯、奥比安……

客队般尼，上晒岸啦其实，联赛上半程已经抢够分，下半程叹慢板，但系球迷朋友有无发现一个特点，佢叹慢板的输波赛事，几乎清一色都是，输1球波，只有曼城、热刺，可以数佢分，输3球，0-3。

最近佢揸流滩，好耐无赢过波，不过d输波，都是输0-1，好显然佢哋个节奏感把握得比较好，系hea咗d，但系又守得到，如是者，个画面，大致上就系自己半场运转咯，所以通常对方的角球数字都比自己多……

主教练戴治执教第250场，逆转爱华，但始终觉得战意唔系咁浓，嚟到呢个moment，都唔少主力好得7788，咁即系仲搏唔搏啊老细？？有咩动力啊？有咩动机啊？？对于男孩子，身体系革命的本钱~~对于女孩子，身体系嫁人的本钱…………

*********************

西甲 3-10 23:15 [5]西維爾 - 華倫西亞[4] -0.5 2.75

相差8分，欧冠之争……

华伦上季排第12，今季本质上的不同，就系得到咗心仪已久的主教练，马些连奴。前13轮，9-4-0不败，包括逼平皇马、巴塞、马体。

11-12赛季，马些连奴曾经执教过西维尔。呢个赛季入主，重用22岁的前锋 辛迪米拿，21岁的中场 古迪斯、巴拉根，等年轻才俊，进一步激发中前场的活力，呢铺唱晒k啊，活力无限啊，入波数字量贩式咁啊。27轮过后，量贩咗52球。攻击力仅次于巴塞的70球，皇马的65球。

锋线上，辛迪米拿（11球）、洛迪列高（10球）、Zaza（11球），多点开花。

主场龙的西维尔，自从圣诞揾咗蒙迪拿翻嚟执教，一翻嚟就中晒招，第一个主场3-5惨败比同城对手贝迪斯，之后比马体虐泉5-2，1年多以来，主场仅仅输过2次，就蒙迪拿呢2次。嚟紧仲要周中作客奥脱福，分心啊老细……

目前西维尔，2名右路球员受伤，哥捷亚 开始跑翻步，捷西斯拿华斯 单独操练，要帮帮手睇睇嘅大名单，我估佢就vs曼联。而西维尔个阵最近都有d变化，取替 宾耶达 成为主力中锋的 梅利奥，攻入今季第6球，拿华斯 被改造为右边卫。
今晚必须留意华伦的进攻左路，睇下有无直通车……

不过对于客队华伦西亚，头先提及的 辛迪米拿 petpet受伤，可能要唞一排。其他嘅还好吧，过咗之前嗰段魔鬼赛程，球队赢翻波啦，个run都几靓仔。

不过有一点值得球迷留意，2队近13次交手，坐阵主场的一方，10胜3平，但系，我睇嚟睇去，我都系钟意对面。

***************

法甲 3-10 23:59 [1]巴黎聖日門 - 梅斯[20] -2.75 4.25

一头一尾的对碰，头嘅好头，尾嘅好尾，梅斯有无机会保级？？降级指数：1.03啊~~即系点理解啊~~如果梅斯保到级，糖糖我晚晚请你吃宵夜，听者有份……

即系，我晚晚请糖糖吃宵夜，系好正常噶嘛，糖糖都未必肯，之但系，听者有份呢句，系无可能噶嘛~~~

主帅艾美利地位难保，辛尼特领队文仙尼、车路士教头干地及赋闲的前巴塞主帅安历基，成为球队的目标。

------------
今季巴黎、曼城疯狂dum钱，两者的区别

大家都有钱，但系土豪同豪门，有着本质的区别。大巴黎除咗买买买，仲可以做得d咩？我话比你听，以我今时今日的知识水平，迄今为止的综合素养，再加上睇咗吴亦凡，你有free style吗？

曼城当年揾哥迪奥拿，辛苦咯，唔单止比钱咁简单……

2012年，曼城将2位前巴萨高管 苏利安奴 和 比杰利斯坦 招致麾下，而这2人都是哥迪奥拿在巴塞时的密友（苏利安奴 提拔时任B队教练瓜迪奥拉到一线队主帅位置上，比杰利斯坦 则是巴萨最支持瓜帅的高管之一）；

2014年，曼城豪砸2亿英镑打造的青训基地和青训学院，也被认为是吸引瓜帅的重大举措之一；

而当瓜帅的弟弟佩雷-哥迪奥拿收购了西班牙球队杰罗纳后，曼城又和杰罗纳建立了合作关系，通过输送人才的方式为其提供支持。

2016-17赛季，瓜帅正式入主曼城，恭喜呢对新人。

查实，之前曼城都经历过欧冠出丑的阶段，喺自己地头就牙牙擦擦，一出到去，一埋牙就沉……

---------------------------

因伤提早收咧的巴黎圣日耳门王牌尼马，在周中欧联出局后不忘在社交网鼓励队友；卡云尼，因累积黄牌够数，今战要坐波监。

有传主帅艾美利地位难保，辛尼特领队文仙尼、车路士教头干地及赋闲的前巴塞主帅安历基，成为球队易帅目标。

梅斯不但续有迪尔伦、伊高图、乌度尔、艾尔斯、巴辛等养伤，射手 路兰洛斯 亦不幸加入伤兵名单；后卫 柏米利 上仗联赛领红牌，连同累积黄牌够数的中场 文迪积克 齐齐停赛。

*************************

英超 3-11 01:30 [5]車路士 - 水晶宮[18] -1.5 2.75

上轮上演咗一幕，疑似殴打小朋友。10名身型短小精干的年轻有为，围殴小朋友，完全无法还脚，全场结束，还咗3脚，air ball 无脚中。

近10年的纪录，卫冕冠军的车仔，刷新咗射门次数的新低，29%控球的次新低。

冬窗新球员 艾馬臣 81分钟替补，完成英超首次亮相。你，抱怨俱乐部投入不足的干地，佢咪又抱怨翻你战术死古古……夏萨特（伪9号）表示不满，简迪哭晕在更衣室……

仅有的伤兵：大卫雷斯、巴卡约高、柏度

水晶宫天残地缺：

水晶宫
停赛：／
上阵：韦费特沙夏（前锋）
受伤／缺阵：沙夏（前锋）、沙高 （后卫）、宾捷安 （前锋）、域咸（前锋）、史葛丹恩（后卫）、斯卓克（中场）、沙高（中场）、史巴朗尼（门将）

今晚评估胜负，其实睇士气，水晶宫比曼联，让2追3，绝杀，绝到不能绝，绝到溶掉我……

世界杯临近，国内有公司搞比赛，鹿晗vs梅西，2002中国世界杯元老队vs世界足坛传奇巨星队，球迷点睇？

曼联官网公布，联合国基金会举办的慈善比赛，6月10日，博尔特VS英国流行歌手罗比·威廉姆斯

***************

西甲 3-11 03:45 [20]馬拉加 - 巴塞隆拿[1]

又系一头一尾的对碰，首先，breaking news，至今为止，美斯喺今季的西甲联赛，从未缺席过，不过今晚，由于私人原因，拖更了……

场波又咁夜，oh，可以散水……

主帅荷西干沙利斯上任以来，领军8战只得2和6负，啊救火教练，好显然唔系霆锋啦，13分，做唔到救火英雄啦

睇完《救火英雄》之后，我得出一个人生道理，原来吃烟系咁有型，不过你会无咗条命……

目前已追平咗，马拉加在西甲的“最差走势”及“最长连败”纪录。唔单止系咁，仲仅仅入3只，4-4-2阵式明显唔掂档，但同时毫无改变，最凄惨嘅系，荷西干沙利斯，表明，我唔走噶，我唔系荷西干，我荷包干啊~~我仲要养妻活儿啊，我好男人嚟噶，要么你赔钱炒咗我啦，

哇d球迷惨咯，面对住呢个“好男人”，真系好难忍……

以小白及比基为首的9名球员，周四被国际足协抽中作突击药检，最终全数过关。

小白（伤缺最长一个月）、梅古露莎一同荣获了第13届巴塞罗那运动文化奖

糖糖（接）：2017年当选WTA（国际女子网球协会）世界第一，并在温网夺得自己职业生涯的第二座大满贯奖杯。

--------

西甲球队女会员统计：巴萨最多38091人，加泰占比最高（33.8%）

在女性会员占比方面，加泰排在第一（33.8%），他们总共拥有4150名女性会员，排在第二的是华伦，女性会员占比是29%，第三是巴萨（26%），第四是维拉利尔（25%）。

到底加泰的俱乐部运作方面做过d乜，可以咁深得女孩子的欢心呢？呢方面系一个巨大的学问喔……

譬如：伊巴近4个季度，增长了13.16%，好可能同主席系女孩子有关系……

****************

最后时间，换下口味，睇睇法兰西波……

法甲 3-11 03:00 [5]雷恩 - 聖伊天[13] -0.25 2.25

法甲3点档，全部属于排名一前一后的对碰。

而点解拣呢场？5 雷恩 6 蒙彼利埃 7 南特 8 奈斯 9波尔多

第5位有得打欧战资格，呢几队分数非常相近，不过6789，突然跌晒watt，集体跌watt，包括佢哋今晚的对手都系

所以你话从观感上，呢场好睇，大家都状态火热……

雷恩up上嚟，殴打小朋友，连续KO两支保级球队，升到上嚟第5位，卡斯利 近4仗入3球（总共9球），主力中坚 加侬 伤愈复出打满全场，主力中场Benjamin、沙高，伤愈替补复出，沙高仲有士哥……

后卫巴尔仍然伤缺（15场）

圣伊天2度落后，2度追平，2-2平咗迪安，近7战3胜4平，所以其实又系好嘢，冬窗外借安德列治，回巢翻嚟的，斯洛文尼亚前锋，羅拔比歷 梅开二度，其实佢有一嘢12码宴客（35分钟）……近4场攻入4球

左闸的加比尔·施华 连续2嘢助攻，估计圣伊天的战术重点，喺左路。

两队交锋平局居多，主队雷恩最近的胜场，水分比较大，唔及得上圣伊天，战平里昂、马赛，钟意多少客队圣伊天咯

*****************

嚟讲讲葡超，国服第一波图，根据瑞士足球天文台 CIES，波图真系波涛汹涌，佢唔单止系国服第一，仲系全球第一，攻守数据全球第一，射门与被射次数的比例，全球第一。

葡超 3-11 02:15 [2]賓菲加 - 艾維斯[13]

可能又一场刷数据的比赛

宾菲加上周末主场5-0屠杀马里迪莫，仍落后榜首波图5分。巴西射手庄拿斯上半场仅用时26分钟便完成帽子戏法，帮助主帅域陀尼亚，攞到执教宾菲加的第100胜(胜率69.4％)。这是庄拿斯在雄鹰第4次戴帽，成为1994年的Joao Pinto之后又一位在上半场戴帽的球员。巴西射手本季各项赛事36场进33球，距离个人在宾菲加的单季进球纪录(36球)只差3球。葡超25次出场贡献30球6助攻，成为队史上第二位至少两次单季联赛进球30+的球员，上一位是葡萄牙传奇球星尤西比奥。

33岁的庄拿斯也是队史完成单季进球30+的第二年长球员，仅次于34岁，文奴费南迪斯。

葡超射手榜上，由于士砵亭中锋，巴斯·杜斯(20球)近期养伤，庄拿斯领先优势扩大至10球。不过，在欧洲金靴积分榜上，由于葡超难度系数只有1.5分，庄拿斯仅以45分排
名第6位，他表示两大心愿是实现葡超五连冠和入选巴西队出战俄罗斯世界杯。宾菲加近年6次对阵艾维斯全胜，打进21球仅失2球，庄拿斯不会放过刷数据的大好机会。

*************************************

日職聯 3-11 15:00 [6]湘南比馬 - 名古屋八鯨[1]

升班马对决，拥有J联赛最豪华攻击线的八鲸有力反客为主。

八鲸在2016年因内乱降级后，揾咗前川崎前锋主帅，风问八宏，打造攻势足球，上季通过附加赛一路过关斩将重返JL，常规赛入85球失65球，进球比第二强的德岛还要多11球，防守却是联赛前14名最差。

有前无后的八鲸新季升级后，重点进补锋线和防线，以JL第二高薪挖角，哥连泰斯中锋、上季巴甲MVP 啊jo，防守端在薄弱的门将位置，进补澳大利亚国门兰格拉克，引进巴乙古兰尼中卫，洛查，加上曾效力于高士路的中场核心，沙维尔，四大外援的配置堪称JL最强。前2轮，前锋啊jo贡献一传一射，沙维尔连续2轮破门，新援后卫洛查也斩获处子，四大外援均有不俗发挥。周中日联杯四大外援留晒力啊。

湘南成立50周年，引进韩国国脚李庭协、梅崎司、Mikic、大野和成的实力派球员，但主帅曹贵裁始终坚守前任的343传中战术，J联赛舞台单靠防守难更上一层楼。

*****************************

 

 

 

莫探员欧洲来料承诺大家永远免费，欧洲来料分“参考”和“推荐”两个级别

莫探员微信公众号：dmok007 或 微信搜索“莫探员智Talk球探”

莫探员微博：http://weibo.com/detectivemok