180317【莫探员】智Talk球探,英超英足总杯德甲意甲西甲法甲(文字版)

  • 180317【莫探员】智Talk球探,英超英足总杯德甲意甲西甲法甲(文字版)已关闭评论
  • 425
  • A+
所属分类:智Talk球探

180317【莫探员】智Talk球探,英超英足总杯德甲意甲西甲法甲(文字版)

今期节目由@莫探员 独家呈献!

公众微信:dmok007 莫探员QQ:56007720点击我吧

 

180317【莫探员】智Talk球探,英超英足总杯德甲意甲西甲法甲(文字版)

 

请点击下面链接收听节目

https://pan.baidu.com/s/1FBiX5soPIy0w--moI7Jo3w

 180317【莫探员】智Talk球探,英超英足总杯德甲意甲西甲法甲(文字版)微信公众号

关键字:欧冠杯抽签

 

180317【莫探员】智Talk球探,英超英足总杯德甲意甲西甲法甲(文字版)

 

今晚又要去电台做节目,大家有时间就听啦,fm1077,21点到24点

 

 

英足總盃 3-17 20:15 [英超14]史雲斯 - 熱刺[英超3]

简单讲讲啦,史云斯上轮长达80分钟打少个,近7个客场6个平局,jordan阿尤停3场,

热刺嗰边厢目前就双线作战咯,而足总杯近年的分量越嚟越大,自己又要睇住个联赛积分榜,Harry又受伤,全部都要计数……

 

****************

德甲 3-17 22:30 [9]慕遜加柏 - 賀芬咸[7] 0 2.75

上轮莱恩打吡输比利华

【主队动态】
主队,中卫 維斯達加特(26场4球) 右脚骨折,好可能赛季报销,中场 基科(15场3助攻)膝关节韧带扭伤、后卫 奧斯福特Oxford(6场)右大腿肌肉撕裂,2名球员至少休息2周。

目前伤兵名单,至少8人……好可能个数字高达12名 主力和常规替补…… 咁其实即系可以解析点解慕逊加柏跌到落嚟第9位……

【主队check】
主队,中场 卡馬 右膝有伤,前锋 拉菲爾卡坦奴(19场7球1助攻)、中场 法比安莊臣(9场1球)、后卫 雲特(20场1球1助攻),3人已经伤愈复操,睇睇今晚得唔得?

客队主场3-0炒禾夫斯堡,2连胜,攻入5球零失球,主教练拿格士文连续使用相同的首发。目前,贺芬咸几威水噶,尼高-舒侯斯 首开记录,也是他赛季第一粒,而主教练 拿格士文 超越了 朗尼克 成为贺芬咸在德甲得分最多的主教练……

【客队动态】
前锋 基拿比 一传一射,19岁的中场 丹尼斯-基加(21场2球1助攻)上轮受伤,赛季报销。
伤兵名单仲有:中场 迪米亞巴爾 (15场2球)、后卫 普舒(9场)

总体上,呢场赛事,无论从动态,状态,以及指数上的胜负天平,全部向客队贺芬咸倾斜,就唯独差一样嘢,无主场之利嘅姐~~~主队连续3场的输波,都是小负0-1,即系慕逊加柏仲使天残地缺都好啦,唔算系肉酸波……

不过,从另一个角度去切入,慕逊加柏唔识得入波啊,你话肉唔肉酸,队长兼前锋 史丁特 连续14场无法破门,对上一嘢要去到11月份,即系晚晚出嚟A酒钱,波就无得入,你话肉唔肉酸,对面嗰边厢的贺芬咸,连续11轮士哥,有得吃,有得玩,欢啊…… 留意 克罗地亚国脚 9号仔 近6轮攻入6球,卡拉馬歷。

世界杯临近,我尽可能将d世界杯的主力,同大家喺个节目到,渗比大家……

*************************

德甲 3-17 22:30 [5]法蘭克福 - 緬恩斯[16] -0.75 2.5

上轮法兰克福比多蒙特压哨绝杀, 替补上场的2名球员、祖域、丹尼保林,2次将比分追平。丹尼保林 91分钟士哥,谂住都掂噶啦,点知 巴舒亚伊 94分钟压哨,蝉联上轮德甲最佳阵容之一。

真系好似睇紧漫画咁,未到最后一秒钟,都唔知会发生咩事……目前法兰克福客场3连败,但系其余的场次都赢得8899,唔系点排到目前的第5位啊……

马高卢斯德甲生涯第5次摆乌龙,排名德甲史上第2多。

【主队动态】
后卫沙斯度、马高卢斯、中场奇雲保定重返首发名单。目前伤兵名单只有1人,馬斯卡利爾(5场),简单d嚟讲,法兰克福就系full team啦。

客队缅恩斯,整体走势肯定唔多乐观,要真系去到一个安全区,起码仲要比竞争对手抢多5分先得,我睇翻佢嚟紧落d主场赛程,无咩叉烧波可以吃喔……

3号龙 梅拿 连续首发 (97年新人 25轮德甲最佳)

【客队动态】
尼日利亚国脚6号仔,中卫 利安-巴路根 解禁复出(11场)

伤缺:1号龙 澤特拿(17场)、前锋貝爾格连(12场4球2助攻)。

【客队check】
2号龙 艾达伤愈在替补席,上轮伤缺的后卫 当拿迪有望复出(24场2助攻),

论双方战意肯定就够秤,不过整体实力分野又非常明显,法兰克福冬休翻嚟的主场run,真系夸张啊,赢波赢游戏赢竞彩咯,咁就好坚挺噶啦,再睇睇客队的缅恩斯,平汉堡(汉堡都岌岌可危)、平和堡(作客有几多料到)、赢柏林(中游无欲无求)

呢场莱茵美因打吡,查实就唔使做功课,眯埋眼可以拣,

-------
(糖糖)自1996年以来,两队在德乙、德甲、德国杯打了28场莱茵-美因打吡,缅恩斯主场6胜8平不败,法兰克福主场8胜5平1负,只输了1场,28场比赛做客的球队只拿到可怜的1场胜利,主场不败率高达9成以上。

*********************

德甲 3-17 22:30 [8]奧格斯堡 - 雲達不萊梅[13] -0.25 2.5

奥格斯堡作客3-1大胜汉诺威,结束4轮不胜,前锋 卡奥比 2球助攻,前锋 基哥列舒治(94年)梅开二度、上轮的德甲最佳阵容之一

【主队动态】
重返首发的中场kacar 攻入今季第一粒,中场 摩拉域(9场)伤愈,后卫 奧佩利(17场)遭内部禁赛。

旧伤兵:头号射手芬保加臣(18场11球)、后卫丹索(14场2球)、Framberger(9场)

【主队check】
后卫古韦利乌(20场)单独复操,睇睇今晚喺唔喺大名单,另外,后卫 轩达历加、菲腊比麦斯 都无参加周中的集训。到时睇睇今晚个阵

云达最近666,喺接连的6分保级大战,都抢晒3分啊,一嘢就升到上嚟第13位,高出降级区5分,不过咁喔,佢都系主场抢分,而我睇翻嚟紧的赛程,主场都是对住d硬嘢

【客队动态】
队长 祖奴蘇域(奥地利国家队)、后卫 施拿斯爾、中场卡恩斯(奥地利国家队)、3名球员重返地球。

中卫 維爾高域 攻入今季第一粒,冬季喺荷甲过档的 拉舒卡 攻入德甲第一粒,唔系德甲处男啦。当中队长2次助攻,喜获mvp。

其实照咁睇呢队奥格斯堡的内部有d问题,呢个系我非常怀疑嘅,有球员内部自禁啦,然后又有足够分数,在下半程叹慢板啦,跟住有心无力的实际情况,主力射手缺阵啦,所以场场开细咁济。即系简单d嚟讲,佢哋个胜欲有几高呢?真系一个谜

而云达就系担心佢哋个客场,纵使有胜欲都好啦,有心无力最攞命啊……

再睇翻个交锋,一边倒嘅~~咁其实就50 50 拣一样嘅姐,我钟意有胜欲的对手……

***********************

德甲 3-17 22:30 [17]漢堡 - 哈化柏林[11] 0 2

汉堡惨啊,我都话噶啊啦,比拜仁禁喺地上摩擦,赛后俱乐部炒咗1月下旬上任的 贺拿巴治 0-3-4,进攻端3只货仔。佢话,执教汉堡系一个错误的决定,出于过往的恩情,抵谂d我就嚟帮拖,结果,炒鱿鱼嚟收科。

新教头带余下比赛,二队主教练Christian Titz,佢其实就系今年带二线队,再之前就系2011-14赛季 带 侯姆堡(洪堡)德南联。目前带领汉堡U21梯队在德国第四级联赛北方区比赛中排名第一。

第三任啦去到,咁有几多料到,球迷心中有数……

还有,26 岁的新任门将教练 Stremlau ,创新训练方法,用咗网球+特殊的眼镜,以训练不同情况下门将的反应。其实就系训练动态视力,对对碰,连连看,就动态视力的决战……以往经常开住个QQ游戏,同女孩子玩,发觉完全都唔够人哋玩,我先知道我自己的动态视力非常差……

【主队动态】
缺阵:后卫 馬拉積(17场)、 中场 艾卡达(13场1助攻)尼古拉-梅拿(1场1球)、前锋 波比活特(19场1球)、阿普(15场2球)

【主队check】
23德国国青队的门将 保拿碧克,据闻今晚会首发。

 

客队,柏林仔就4轮不胜,且无波入

【动态】
中场韋沙、前锋伊比斯域 上轮重返首发,全场都压住费雷堡嚟打 14-5射门,5-0中龙次数,前线记者的消息,主教练 戴达 周中继续演练进攻。

今晚 戴列達(13场) 复出

我查实完全谂唔到德甲恐龙,凭咩可以做出让步,而双方的走势,都系闭蚁,进攻能力,又系宅男feel,正所谓,宅男追女仔,无晒计。

*************************

英超 3-17 23:00 [12]般尼茅夫 - 西布朗[20] -0.5 2.5

西布朗降级指数:1.015

今个赛季就赢过3场英超,而当中有2场发生在开咧,即系话,近28轮联赛,净系赢1场。完全无任何翻盘点,难怪去巴塞集训期间,顺手做人哋架的士,即系衰起上嚟,连人品都无埋……

上星期讲过,英超中下游球队集体换教练最好就系史云斯,最差,仲使谂嘅,肯定系西布朗。柏祖都晒计啦,虽则话足总杯淘汰过利物浦……

有人话,因为中资原因,会出现一d匪夷所思的比分,但再睇翻管理层方面,CEO都系咁换,咁其实就揾到个key point,再睇翻上轮1-4输比李斯特城,门将 宾科士打 的解围,下下反弹翻比门前危险区域,而狐狸城简单直接的高空球和头球,就打爆佢哋。

狐狸城啊,唔系天空之城啊,战意出现严重问题……

即系我系般尼茅夫,我放唔放过呢d咁安逸的对手,抢多3分就36分噶啦,再睇翻赛程,唔系保级对手,就系big6,换转系听众球迷的你,你抢唔抢……黄子华话斋,三十六着,恃强凌弱……

【主队check】
佐敦艾比(25场1球)、賴恩費沙(19场4球)伤愈进入替补席

【缺阵】
中场 馬克佩治(17场)

************************

英超 3-17 23:00 [15]哈德斯菲爾德 - 水晶宮[18] 0 2.25

哈德斯菲尔德上轮同史云斯,保级大战互交白卷,所以上期我都话好担心佢哋个攻击力,由于史云斯早早11分钟就见红,角球12-0,控球81%,射门31-0,咁都入唔到~~~

【主队动态】
摩爾 伤愈并首发,仲有5名老伤兵就唔数白榄啦。

水晶宫遭遇4连败又跌入降级区,呢个魔鬼赛程真系坎坷,完全无得唞气,

【客队动态】
前锋 沙夏 伤愈替补上阵,换走宾迪基,中卫 沙高、曼联借将后卫 科素文沙 都伤愈进入大军名单。

不过现时有8名主力缺阵:祖爾禾特、丹恩、中场卡比耶、賓捷安、洛夫圖斯切克、门将施柏朗尼。

唔好睇水晶宫而家排18位,魔鬼赛程之前,vs阿仙奴,其实系排12位,倘若翻翻到之前的水准,咁目前哈德斯菲尔德又见晒底的话……

即系咩回事呢?好似你打排位赛咁,连续打几盘,高分局,vs 钻1、大师段位,根本无任何的操作空间,你每个技能空咗个话,就马上比人反打一套,无仇报……

好啦,当排翻正常分段,哇你就开始6起身咯,蒂花之秀,陈独秀……

******************

英超 3-17 23:00 [19]史篤城 - 愛華頓[9] -0.25 2.25

史笃城的降级赔率:1.66

新教练 林拔 入主之后遭遇第2场失利,目前1-4-2,祸不单行,2号射手 因膝头哥 上轮缺阵,今晚继续,其他球员就无咩问题,都系d唔多重要的十字军。

客队爱华顿继续主场good run,7-2-1,不过今晚作客,冬窗新引援的前锋 杜辛 连续2轮士哥,朗尼比赛末段12码宴客,冰岛国脚 施古臣 上轮膝盖受伤,预计5月先得,甚至有可能影响到世界杯。

艾殊利威廉士见红,停3场,今晚停第2场,中坚 查積爾卡 上轮伤愈复出,至于 摩利 已经恢复训练,不过上轮连大军名单都无入。

其他伤兵:曼城借将文加拉(好可能今季报销),占士麥卡菲,

近4次的交锋,有3次比爱华顿零封,进攻端上,史笃城已经不是以往的天空之城,揾唔到适合自己的节奏,睇翻近期可以喺主场赢波的场次,指数倾向上作出咗关键的启示,-0.5先有运行,否则都系香过香香公主,

咁你话,我对面,系咪真系好喜欢,咁又未至于,事关d有前科的选手,我都麻麻哋,作客6连败,成个赛季15个联赛客场,赢1场,哎,可以唔吃就唔吃啦

*****************

西甲 3-17 23:15 [4]華倫西亞 - 艾拉維斯[16] -1.25 2.75

华伦领先第5位的西维尔11分,基本上锁定欧冠杯资格。今季成绩比上年同期,多26分,队史第3高。而且又结束咗作客西维尔16场不胜的尴尬。

前锋 洛迪高 梅开二度,西班牙国家队17号仔,今季27场攻入12球。门将 列高 日前获巴西国家队重召,

【主队check】
左闸 荷西加耶 末段因肌肉伤被调走,周三复操。上轮2助攻的干杜治比亞,睇睇伤愈进度

客队艾拉维斯,结束主场6-1-0的run,主教练 艾比拿度 表示 出嚟行,迟早要还,希望班球员忘记场输波,因为古语有云,输咗嘅波,就好似,追唔到嘅女仔,佢系绝对唔会影响你追下一个。呢d咪睿智咯……

【客队check】
因膝伤休战7个月的皇苏借将,左闸 希陀靴南迪斯 复出,状态一个谜。

【动态】
伊拜高美斯(25场5球) 伤退,冬窗由切尔达过档的 古爾特迪 仲未复操,老伤兵后卫 马田·帕迪拉(12场)

查实就无咩新伤兵,但又无乜新惊喜咁咯,前巴塞隆拿射手 保赞 上轮后备上阵,完全无料到。

一场主场龙,客场虫的PK,华伦10-2-2的主场数据,失分对手:马蹄、皇马、巴塞、维拉利尔,今晚艾拉维斯要抢分,难度大啊,留下力,田忌赛马好过啦

***************

法甲 3-17 23:59 [9]波爾多 - 雷恩[6]

主队4连胜之后,0-2-2,攻入1球,开始揸流滩的感觉。俱乐部主席马田话,球队的目标系欧战,目前差6分。

对于《图片报》,拜仁同波尔多前锋 馬爾高-菲腊比(97年) 达成共识,今个夏天6000万欧元,转会到拜仁。26场攻入8球,多少影响军心。

【主队动态】
后卫庞杰、中坚 保羅巴斯、左闸 沙巴利伤愈首发,柏宝路卡斯度证实vs摩纳哥一战伤退,今晚缺阵。

【主队check】
辛基夏利(21场5球1助攻)今晚伤愈候命。

客队上轮战平圣伊天之后,由第5位跌到第6,连续5轮保持不败3-2-0,当中其实整体运作还算ok,有一定优势。

【客队动态】
后卫 巴尔(15场)伤愈进入替补名单。主力右后卫哈馬利-泰奥利 (28场)黄牌够数停赛。

双方交锋,3-6-1,平局较多,而近4场交锋数据当中,雷恩角球数字,全面压制对手,所以,以目前双方的走势,雷恩貌似更加稳阵,波尔多想发力的难度比较大。

******************

意甲 3-18 01:00 [11]烏甸尼斯 - 莎索羅[18] -0.25 2.25

乌鸡最近的走势,多少主场龙,客场虫的味道,4连败当中有3场是客场,而主场0-2输比罗马,是近6个主场的首次。

输比祖记都无乜好讲啦,当老妇人状态一嚟,本身经验、牌面样样兼备,连状态都有,全场2次射中龙,咁当然同佢哋个首席射手 拿沙格拿 因伤缺阵好大关系。赛后主教练 奥度 批评球员缺乏斗志,希望今晚有改善。

【主队动态】
后卫 拿臣(20场1球) 今晚解禁复出,对防线有帮助。

【客队动态】
3名前中场主力 比拉迪、拉古沙、比路素,都因黄牌够数及纪律问题今场一同停赛。前锋 馬特尼 伤愈并在上轮替补上阵。

教练 艾亚基尼 vs史帕尔的表现感满意,希望继续,刚战射入12码的塞内加尔前锋 高馬巴巴卡,仍会获重用。

客队目前 0-4-5,跌入降级区,而客场数据相当肉酸,0-1-3失11球,前锋 波利坦奴 上轮12码宴客。

留意乌鸡,目前平局仅3场,踢法上又属于奔放型球队,佢唔属于嗰d 别克 标志 丰田型选手(美法日),而家就系要估,翻翻自家主场,士气、斗志 会唔会翻翻嚟,之前比媒体插佢哋 行步行街的表现啊~~如果你话足彩就单3啦,连平局都费事要啦

****************************

 

英冠 3-17 23:00 [7]錫菲聯 - 諾定咸森林[16]

主队经历4个客场,都抢到4分,翻翻主场就2-0比分上轻取伯顿。但事实上,比赛一开波,伯顿就30如虎、40似虎,疯狂逼抢,好彩顶得住,否则就只能大哎,受不了。

一到咗下半场,由于伯顿chur干晒,咁就系锡菲联的世界,轮到伯顿受不了啦。

现时主队锡菲联主打4-4-2阵式,双箭头 Brooks and Sharp,上轮Brooks 64分钟锁定胜局。对于主队嚟讲目前差2分就可以打升级附加赛,憋咗咁耐,翻到主场,旗开得胜,一定会吃住道势……

至于客队,诺定咸森林,拥有15分的cool笋分,上轮主场vs打比郡,全场龟缩防守,零星远射作为回应,近2场都是0-0,哪怕对方打少个,完全无动于衷,即系你对住一个女孩子,人哋都话自己系王守义的传人,你都无动于衷,咁抵你喺屋企玩手游啦……

土超 3-17 23:59 [4]費倫巴治 - 加拉塔沙雷[1]
国家打吡 19冠vs20冠,我非常推荐球迷朋友,收睇呢场波。

 

***************

欧冠杯8强

巴塞3.50 曼城4.00 拜仁5.00 皇马5.50 祖记11.00 利物浦13.00 西维尔67.00 罗马67.00

对阵情况出嚟之后,我见到微博,一大炸,喂球迷,大家有咩意见啊?

咁即系咩意思啊?呢个系一个抽签嚟个啵,你估民主选举啊?你哋有投票权啊?? 公布结果之后,非常不满啊??

呢个系一个逻辑上非常搞笑的现象,提问的人又好搞笑,发表意见的人,嗱个对阵应该点样点样就好啦,又好搞笑~~

至于你话有无内定? 咁你有无证据啊? 无证据啊嘛,咁即系无内定咯,TVB已经教大家“疑点利益归于被告”,"The benefit of the doubt goes to the defendant"

呢个系欧足联嚟噶嘛,要用翻佢哋的法律逻辑,呢个叫“无罪推定”原则, 而我国都接受“无罪推定”原则。

大家要有多少法律常识先得,成日话要求法治、法治,本身自己连呢d常识都无,点样去共同努力,去营造一个法治的社会~~~~

****************************

英超 3-18 01:30 [4]利物浦 - 屈福特[10] -2 3.25

利物浦200场双红会,作客奥脱福1-2输波,主要都是输比爆pow卢卡古,

【主队动态】
队长,亨达臣、安祖羅拔臣、韦拿杜姆都伤愈,其中后2位都有上阵,沙拿结束连续5轮士哥。

客队屈福特,上轮队长 迪尼 12码宴客,新主教练 查维-加西亚 3-1-2,成绩ok喔,佢本身的执教里历都11年,胜率大概41%,倘若喺英超交到40%的胜率,咁就有45分噶啦。

查实马高施华下课之后,我未睇过班波,加上班波本身踢到咁上下,出现天残地缺的问题。我印象最深刻就系16号的杜哥尼。

以利物浦的风格,以渣叔的性格,仲唔发泄啊????屈福特客场无料到个喔,0-1-8,入得2只。不过技术流pk的话,我相信呢场灿烂嘅……

屈福特
受伤/缺阵:迪路菲奥(前锋)、查洛巴(中场)、汤卡华利(中场)、基思甸卡巴些利(后卫)、莫拿华古(后卫)、卡保奥(后卫)、卡夫卡特(后卫)

***********************

西甲 3-18 01:30 [14]皇家蘇斯達 - 加泰[11] -0.75 2.5

皇苏又比人逆转,成为今季西甲被逆转次数最多的球队(5次),皇苏最近的走势,主场龙,客场虫,客场0-2-6,翻到主场则联赛3连胜,当堂生猛翻,队中的中锋 韋利安荷西-达施华 入选巴西国家队集训名单,近6战攻入5球。

【主队动态】
1号龙路爾尼继续伤缺,后备门将 莫亚 上轮成功扑出1个点球,中场核心 比列圖仍然缺阵,

其实加泰又系d净系识得打主场的球队,主场8胜,客场1胜,而上轮爆冷比作客的利云特KO咗,个教练嬲都震,话千期唔好有下次~~我心谂,咁姐系咩意思啊?

【客队动态】
加泰冬窗新引援 利美(前车仔)今晚解禁,不过佢加盟的5场比赛仍未开斋,1号龙 古亚达 上轮伤愈复出翻,守将达米安-苏亚雷斯在上仗完成了代表加泰的第100场。后腰 貝加拉(17场4球)继续伤缺。

其实呢类型咁嘅对碰,就局cut系拣主队嘅姐~~只不过我就绝对唔钟意做d赛前指腹为婚嘅嘢,咩年代啊仲指腹为婚~~梗系睇住嚟吃噶啦~~好老实啦,查实呢类季尾中游波,好鬼hea,见到佢哋都锰啊简直

****************************

德甲 3-18 01:30 [15]沃爾夫斯堡 - 史浩克零四[2] +0.25 2.25

46分keep住欧冠资格都足够动力噶,零四。禾夫斯堡,不败率都几高噶,军心唔真系差得去边……都有保级的动力噶。

新任主教练 拉巴迪亚 0-1-2成绩,

【主队动态】
后卫 威廉(14场)解禁,前锋 美密迪 接受手术后 好可能赛季报销。

养伤名单:后卫 奥希斯(16场1球)、中场 甘马曹 (9场)、巴拉薩高斯基(7场1球)、前锋 奥森汉(9场)

【主队check】
中场 馬爾尼、基拿禾基、后卫 因特

客队零四,依靠 卡利古尼 单骑闯关,作客击败保级区的缅恩斯,豪取4连胜,力压鲁尔区死敌多蒙特1分。

【客队动态】
后卫 泰路基拿 伤愈重返首发,中场 哥利斯卡 伤愈替补登场。

将嘅动态阵容一对比,零四完好无缺,和堡天残地缺,交锋上零四吃住和堡7成,就系翻到自己个主场仲有数拗下,不过,最近和堡已经好难再做和平使者。

以往汉堡一直拍紧《德甲cool煲风云》,而家只能拍个《现任3》,但系个剧本相当不如意,第一场戏码,用 艾洛特+ 美密迪,顶替,巴素亞+马尔尼,结果 艾洛特 送点球,而美密迪 入完1粒之后又话赛季报销。

仲有就系,和堡主场的输波,vs利华、拜仁、法兰克福,咁你估下今晚联赛排第2的零四,会点??

**************

法甲 3-18 03:00 [8]蒙彼利埃 - 迪安[10] -0.75 2.25

先嚟一波法甲劲嘢先,蒙彼利埃上轮作客利尔1-1追和,一吹完场鸡,几千名利尔球迷冲晒入场,发泄佢哋心中的嗰团怒火,之但系你咁样一做,呢d公共安全事故嚟噶,全欧洲都人心茫茫,大佬,又恐怖袭击啊?

隔离南欧嗰边厢希腊,由于PAOK沙朗历基个老板,驼住支炮杀入球场,后面跟住成班保镖,未来战士咁~follow me~~~指住个裁判,明明球波都吹咗越位~~~~无越位,无越位,边有越位姐~~入球有效,大家唔好拗~~~

如是乎者,希腊政府认为,顶啊,咁咪即系恐怖分子,马上宣布无限期暂停希腊超级联赛。

之前仲搞笑啊,国产007的翻版,PAOK vs 奥林比亚高斯,因为一张厕纸,袭!击!咗客队个教练,延期啦~~~呢铺真系,“就算系一张厕纸,一条底裤,都有佢本身嘅用处加嘛”……

--------------

主队今晚只有一名伤兵,佢叫做“试下你”(史夏利),但系顶替佢的 祖利亚森比亚 够照噶啦,而家现时班波的前锋线哑晒火,卡马拉16场入球荒,施奥 沦为后备。

2队目前的走势都行紧一个不败run,所以呢场鹿死谁手,都好难讲

迪安的佛得角前锋 泰华利斯,近7仗入5球,佢个partner 沙特 都连续2场士哥,目前双方阵容都非常完整,

倘若真系要我拣的话,客队迪安的防守能力其实无任何改善过,而主队蒙彼利埃出晒名喺陀地中,佢的防守系第2坚,即系就睇下蒙彼利埃破唔破到门嘅姐,我大胆d啦,净胜1球。

********************************

英足總盃 3-18 03:45 [英超2]曼聯 - 白禮頓[英超11] -1.5 2.75

曼联欧冠杯出局,大家纷纷喺到插,即系大家认为曼联赢西维尔系理所当然的事情,系根据咩逻辑啊?普天之下,9成的球迷、专家、媒体,都系咁,根据咩逻辑啊?

足球运动本质就是竞技运动,系要落场PK噶,唔落场PK,大家玩炉石传奇算啦~~~而竞技运动的本质系充满咗不确定性,同意外,呢d先系竞技运动的魅力所在,记住,佢个魅力的本质,就是意外!!!

呢个世界上,人类历史千万年来,都一直发生紧,以少胜多、以弱胜强的历史故事,其实系一种进化。咁点解足球场上,咁多意外啊?意外系因为难以预测,先叫意外,而量子力学证实自然是不可预测的。

咁我基本上就表达完噶啦……曼联出局,好平常姐……

---------------------

呢场的胜负研判,查实要睇出场名单……我而家喺到点吹都无用

 

 

180317【莫探员】智Talk球探,英超英足总杯德甲意甲西甲法甲(文字版)

 

 

 

180317【莫探员】智Talk球探,英超英足总杯德甲意甲西甲法甲(文字版)

 

180317【莫探员】智Talk球探,英超英足总杯德甲意甲西甲法甲(文字版)

 

 

莫探员欧洲来料承诺大家永远免费,欧洲来料分“参考”和“推荐”两个级别

莫探员微信公众号:dmok007 或 微信搜索“莫探员智Talk球探”

莫探员微博:http://weibo.com/detectivemok

180317【莫探员】智Talk球探,英超英足总杯德甲意甲西甲法甲(文字版)

180317【莫探员】智Talk球探,英超英足总杯德甲意甲西甲法甲(文字版)

  • 我的微信
  • 这是我的微信扫一扫
  • weinxin
  • 我的微信公众号
  • 我的微信公众号扫一扫
  • weinxin